"CHEZ LULU" PEÑA TELERAN

Chez Lulu MD+ 650m 90º M5+
1994.urtean Damien Ballenger eta Frederic Chose-k zabaldutako bide hau  Peña Teleran zailtasunezko klasika batetan bihurtu dela esan dezakegu eta gero eta gehiago dira bide hau egitera animatzen diren eskalatzaileak. Mixto-ko pasarteak tartekatuz hainbat goulotte lotzen dituen kontzeptu modernuko bide bat da
 Bidea hartzeko "Maria Jose Aller" korridorean barrena sartuko gara lehen zailtasunekin topo egin arte, hemen ezkerretara hasiko dugu "Chez Lulu" bidea, eta lehen luzean aurkituko ditugu izotz eta mixtozko  pasarte zailenak, ondoren 3.luzea ere antzekoa da nahiz eta teknikoki errezagoa izan. 5.eta 6. luzeak arrokan egin genituen, arroka eskaxa eta 5.luzea zail samarra.

Bidearen lehen luzea hasten, goulotte fin eta estu bat pasarte mixto delikatuekin.....

Lehen luzeko beste argazki bat....

Aitor 2.luzeko goulotte-an, 65ºtara resalteak dauzkan elur ranpa honek 2.billerara eramango gaitu,
billerak 2 iltze ditu...

Hasierako bilerak ekipatuta daude iltzeekin, guk lehenengo luzean "abalakov" bat aurkitu genuen pasarte zailenaren azpian. Arroka hasten den tokian, bostgarren luzean, zuzen jarraituz gero  espitak doaz diedro desplomatu batetik A2, guk billera bezala 2 espit erabili genituen eta ezkerrera trabesian iltze bat dago kordino luze batekin. Hortik gora billera guztiak guk  montatu beharko ditugu.

Jon 3. luzearen hasieran.....85ºtara billeratik irten eta ondoren pasarte mixto eta 75ºko erresalteak..

Aitor 4. billerara iristen...

5. luzeko hasiera, Iñigo V+ eko trabesian, largo fina eta kontuz eskalatzeko haitza....

 Bidea egiteko 6-8 ordu beharko dira eta jeitsiera Y korredoretik pare bat rapel eta destrepatuz egiten da.

                                                
                                                 Erabilitako materiala
                                        Totem jokua, 2-ko friend-a eta alien berdea.
                           Fisurero ertain batzuk eta 6 torloju. Iltzeak ez dira beharrezkoak.
                                                       info gehiago hemen

topo "chez lulu"

             Jon Aranzeta, Aitor Kortabarria eta Iñigo Mujika-k burututako igoera 2015.eko apirilean.
                                                                    Eskerrik asko mutillak!!!!

COGNE. Izotzetan eskalatzen.

Izotz eskaladaren fanatikoentzat ezaguna  den arren, askorentzat  oraindik agian ezezaguna den ingurumen baten berri emango dizuegu publikazio honetan, Cogne. Aurtengo otsailean ZEROAZPITIK-ren lagun eta kolaboratzaile den Iñigo Mujika eta bere lagun Jordi Bosch- (Catalunya) bertan izan ditugu bertako izotzaz gozatzen eta gure  " alternative light" berokia testatzen.......
 Cogne, Grand Paradiso-ko parke nazionalean aurkitzen da, Aostatik 30 km ingurura. Bertan 2 bailara aurkituko ditugu Vallnontey eta Valeille, biak Cognetik 3-4 kilometrotara, 2 bailara hauen alde bakoitzean aurkituko ditugu izotz kaskadak. Aipamen berezi gisa, inguruko bailaretan baino izotz kondizio egokiagoak eskeintzen ditu ingurumen honek.

Tuborg bidea

Valeille
 Lillaz herritik bertatik ikusi ditzakegu kaskada batzuk, gerturaketak gehienez ordu baten egingo ditugu. Hasteko bide errazenetarikoa  Lillaz Gully 3M 200m,  herriaren parean aurkitzen da. Cold Couloir IV/4 600m da bailarako kaskada-korridore luzeena. 1985. urtean G.C Grassi maixuaren eta bere lagunen eskutik zabaldutariko lehen bideak dira. 1989.urtean Stella Artice III/5 200m, eta 1993. urtean Damilano eta bere lagunek  Inachevee Conception III/6 M inauguratzen dute. Izotz jauzi ikusgarriena 2001. urtekoa da, G. Bottone etab.-ek zabaldutako Hard Ice in the Rock Diretta III/6 80m.

Cold Couloir

Mixtoko bide zailak ere badaude bertan, horietako asko S. Hastonek liberatu edo zabalduak  Hard Ice In The Rock DRY III/5 M8 80m lenengo A2 zena. X Files famatua ere bertan dago, munduko lenengo M10 izan zen1998-an, nahiz eta gero M9+ III/5 bezala gelditu. Gogorrenak The Empire Strikes Back III/6 M11 100m Haston 2000 eta Jedi Master III/5 M11 S Muir 2005 dira.
 Informazioa Hotel Ondezanan aurkituko dugu, honez gain materiala lehortzen uzteko logela bat daukate, dutxa beroa 3 eurotara eta betikoak zerbait ahaztuz gero, botak, pioletak etab uzten dizute, dohainik gainera.

Valmontey
Ondoko bailaran Valmontey herritik gertu hasten dira kaskadak. Hemen pixkat gehiago ibili beharra dago, bailara luzeagoa da ta 2 ordutara  daude urrutien dauden kaskadak.
Bertan 1983-an zabaldu zituzten lenengo kaskadak. Cascata del Lauson III/3 100m eta il Sentiero del Troll IV/2 350m A Cambiolo etab.ek zabaldua G.C. Grassi handia ere lenengotarikoa izan zen 1985-ean Monday Money III/4 220m etab. bide zabalduz.
Urte batzuk geroago,1989-an Damilanorekin batera ondoan dagoen Repentance Super III/6 250m bide historikoa zabaldu zuten. Beste kaskada ikusgarri bat Di Fronte al Tradimento IV/5(M) da, goizean goizetik eguzkitan dagoena.
.

Valmontey

.

Stella arctic L1

Stella arctic R1......" LUMA, zure abenturen lagun"

Repetance super

Cognetik kotxez ordubetera  Valsavarenche eta beste bailara batzuk daude, nahi izanez gero eskalatu
eta eskiatzeko aukerak ere badaude,  fondoko pista luze eta interesgarriekin. Eski Alpinorako Cogne herrian estazio txiki bat dago, kontuz bertako pista gorriekin, kriston aldapak dauzkate fokeatzen igotzeko latzak....bestela Aosta herrian estazio handixamar bat dago.
Erosketak egiteko Cognen badaude denda txikiak eta Aostan denetarik aurki dezakezu eta ura, edozein herritan dauden iturrietan. Autokarabanendako aparkaleku handi bat ere badago Cognen,bertan bateriak kargatu daitezke.

Candelabro del coyote

Repetance super..

Innachavere conception

Ezkerrean Estella arctic, erdian Innachavere conception.

Repetance super, goian ezkerrean.

Hard ice on the rock diretta

Beraz, badakizue, fanatikoenaren izotzetan eskalatzeko griñak baretzeko beste izotz kaskada ugari aurkituko du bertara hurbiltzen denak , aurten amuzturiko torloju, kranpoi eta pioletak berriz zorroztu eta hurrengo denboraldirako prest utzi.




            Eskerrik asko Iñigo, moltes gracies Jordi.

 

Moltes gràcies

PILAR DEL CANTABRICO. PICU URRIELLU.

Nork ez du ezagutzen Picu Urriellu edo Naranjo de Bulnes?  Picos de Europan aurkitzen den harripuska hau?
 Mendizale askok amesten duten tontorra eta penintsulako eskalatzaile askoren helburuetariko bat, bakarrik eskalatzen igo daitekeen mendia da. Bere mendebaldeko horman ospe handiko bide ederrak aurkitu ditzazkegu, baina iparmendebaldeko horma da "Picu"-aren horma ikusgarriena, "Bermella"-ko 100 m-ko desplometik hasi eta ia gailurreraino doan 500 m-ko pilare bertikal eta erakargarria. Horma hontan aurkitzen dira penintsulako  Big Wall estiluko bide mitikoenak, hauetariko bat dugu "Pilar del Cantabrico" bidea.
 Bide hau,1981. urtean zabaldu zuten  Jesus Galvez eta Antonio Gomez Bohorquez eskalatzaileek, eta gaur egun Big Wall estiloko bideak gustoko dituzten eskalatzaileendako  helburu klasiko bat dela esan genezake......eta noski, " libreko" eskalatzaile gogor eta ausartenentzako benetako erronka.
 Bidean ekipamendu zaharra aurkituko dugu, hau da buril-ak eta hiltzeak, eta 8. billera arte billera guztiak parabolt batez indartuta daude. Bidea oso tente dago, billera gehienak zintzilik dira eta bere graduan exijentea dela esan dezakegu, honez gain " Bermella"-ko desplomeak fisikoki asko eskatzen du nahiz eta artifizialeko luze errazenak bertan egon.
 Ordutegi aldetik normalena bidea 2 egunetan eskalatzea da, batzuk lehen 4 luzeak eskalatu ondoren lurrera jeisten dira lotara sokak bertan utziz, hurrengo egunean jumareatu eta gailurreraino eskalatzen dute. Beste batzuek hamakan pasatzen dute gaua horman, gutxi gora behera 5. billeran. Aipatu beharra dago "Picu"-an hamakan zintzilik gaua pasatzearen experientzia ahaztezin eta ederrak bere alde txarra ba daukala....Rabada-Navarro bidearen azken luzeetan petatea igotzea!!!

Pilar del cantabrico, krokisa.

 Goazen ba bidearen luzeak pixkat azaltzera,  bidea egitera animatzen zaretenontzako.
Lehen bi luzeak baten egiteko aukera dago, largo hontan buril ugari aurkituko ditugu. Tarteka bizpahiru gantxeo egin beharko ditugu burilen batera iristeko, edo hiltzeren bat edo beste sartu. Berun bat ere aurkituko dugu.
3. luzea aurrekoaren antzekoa da, oso desplomatua. Hiltzeren bat edo beste sartu behar da edo gantxoekin pasa. 4. luzean hasten da festa, hiltzeentzako zuloak errebentaturik dauzkan plaka gris hau izango da luze zailena, A2+/A3 inguruko zailtasuna dauka eta bertan berunak, gantxoak, falkak, hiltzeak etab erabiliko ditugu. 5. luzea burilada batekin hasiko dugu eta ondoren gantxoekin jolasteko largo ederra. A2+
6.luzeak pasarte batzutan librean eskalatzera animatzen digu, 6b eta Ae baina luzea A2 bezala graduaturik dago. 7.luzea arteka batetatik hasi eta ondoren "puenteroca"-tan babesturik eskuinetara trabesia egingo dugu buril bat harrapatu arte, 6a/b. Ondoren pasarte pikante bat berun eta kordino zahar batzutan , ondoren arteka batzutatik billerara. A2 bezala graduatuta, gure ustez A2+, pasarte hortan erortzeko arriskua dagoelako . 8.luzea hiltze batekin babesturiko arteka itsu batetatik librean 6a eta gero gantxeoak eta kordinilloak. A2 bezala graduatuta baina exposizioa nabarmen daukan luzea. 8.billeratik  eskuinerantz ihes egiteko aukera daukagu, L9 6b+ eko arteka, billeran buril bat eta norberak indartzera. Hurrengo luzeak 6a arte librean eta pixkat expuestoak, 10. billeratik " rocasolano"-ra ihes egiteko aukera daukagu eta Rabada-Navarro bidearekin bat egin gailurrera iristeko.
Bidearen graduazioa ED. 6B+A2+ eta 500m inguruko luzeera.
Materiala
8-10 hiltze+falkak, gantxoak, rp, fisurero, microfriend, friend, kordino ta txapa rekuperable pare bat, berun pare bat eraman badaezpada.
 Aipamen gisa, guk bidea 2000. urtean hiltzeak erabiliz errepikatu genuen. Gaur egun gero eta eskalatzaile gehiagok errepikatzen dute bidea hiltzerik erabili gabe, eta interesgarria litzateke etorkizunean bide hau hiltzerik gabe egiten saiatzen jarraitzea. Norberak ikusiko du.
Ondorengo argazkiak lagun batzuk 2013. urtean hiltzerik gabe  egindako errepikapen batenak dira.
Gehiago

3.luzea

5. luzea eskalatzen.

zazpigarrena...

Maite Maiora eta LUMA

Maite pozik Alternative 6000 berokiarekin

LUMA alternative 6000 berokiaren sorrera eta Maite Maiora mendi korrikalariak erlazio zuzena daukatela esan beharra dago, eta zergatik galdetuko duzue batek baino gehiagok ezta?
 Azaroko egun batean Maite Maiora eta bere senar Iosu Juaristi izan genituen gure biltegian gure "alternative jkt" berokiaren inguruan interesaturik. Maiteren apaltasun eta Iosuren humore onari esker "onda" ona nabarmen gelditu zen eta Maitek hotzarekin duen arazoaren jakinean ipini zigun.......hortik sortu zen gure "alternative jkt" berokiari lumaren kantitatea bikoiztearen ideia, eta hortik sortu gure "Alternative 6000" berokia, momentuz prototipo bezala Maite Maiorarentzat  edizio espezialtzat kaleratu duguna. Beroki honek, 300 eta 400 gr arteko luma kantitatea du betegarri bezala, 680-700 cuin bitarteko fill powerarekin.


 Gure animo beroenak eskeini nahi dizkiogu Maite-ri, baina baita beste guztioi ere, egunerokotasunean gogor entrenatzen ari zaretenoi ....eutsi goiari danok!!!

                    
ESKERRIK ASKO MAITE LUMA-KIN KONFIDATZEARREN  



 Deberiamos decir que la creacion de  nuestra chaqueta " Alternative 6000" y la campeona  Maite Maiora  estan estrechamente relacionados, pero porque os preguntareis mas de uno verdad?

 Un dia de noviembre recibimos la agradable visita de Maite Maiora y su marido Iosu Juaristi interesados con nuestras chaquetas. El buen humor de Iosu y la sencillez de Maite fueron suficientes para romper el hielo y entablar una interesante conversacion en la que Maite nos ponia en conocimiento de su problema y sustos con el frio, de esa conversacion nacio la idea de rellenar nuestras chaquetas "alternative" con  casi el doble de relleno, y de esa conversacion nace nuestra chaqueta " Alternative 6000" que de momento la inauguramos como prototipo en una edicion especial a la que le ponemos el nombre de Maite Maiora y ella misma sera quien la estrene.
 Queremos desearle suerte a Maite, pero tambien a todos vosotros que entrenais duro dia a dia  ..............animo a todos!!!.

GRACIAS MAITE POR CONFIAR EN LUMA
                                                                                                                 
                                                                                                            Argazkiak: Iosu Juaristi. (Fotoiosu)



                                                      LUMA ALTERNATIVE JKT

DIRECTA AMERICANA. PETIT DRU.

Petit Dru, Txamonix-era iristen den eskalatzailearen begiradak harrapatzen dituen granitozko gezi erraldoi eta ikusgarria . Bere mendebaldeko 1100m-ko hormatzarrean  aurkitzen den Directa Americana bidea Mt Blanc mendimultzoaren eskalada ederrenetarikoa eta estimatuena dela diote liburuek, guk ederra ba dela  esan dezakegu.

1962. urtean, Royal Robbins eta Gary Hemming eskalatzaile amerikarrak 3 egunetan burutu zuten bidearen lehen igoera, Kaliforniako Yosemiteko eskalada teknikak hormatzar honetan erabiliz.

Royal Robbins

Gary Hemming

Guk  bide hau 2000.eko abuztuan eskalatu genuen eta ordutik  azken urteetan desprendimendu ikaragarriak gertatu dira mendebal horman, beraz horma eta bidearen egoeraren inguruan ondo informatzeko aholkua luzatzen dizuegu, baina oraindik eskalatzen dela jakin badakigu.

Lojistika aldetik gure kasuan gerturaketa montenvers-etik egin genuen. 3 bibak egin genituen guztira, lehena horma azpian, bigarrena “ bloc coincee” delakoan eta hirugarrena gailurrean, azken hau “kapritxo” gisa ura eta lo saku bat aurkitu genituelako gailurrean. Bidea 70l-ko petate txiki batekin egin genuen, bertan bibak materiala, 10l ur . botak, kranpoiak eta pioletak   eraman genituen. Eskalatu 10,5mm.ko stratus sokarekin eta 9mm-ko sokatik petatea. Reuniora iritsi bezain pronto petatea jasotzen genuen eta bi lagunok gozatu ederra hartu genuen bide gehiena era askean pisurik gabe eskalatzen.                  

Luzeera 1100m eta 35 soka luze.  Zailtasun orokorra 6b/A1 (6c+).  Bidearen lehen 7 luzeak kimikoz ekipatuta daude eta nahiko azkar egiten dira, ondoren bideak bere nortasuna hartzen du,nahiz eta hiltzeekin ekipatuta egon, hemendik gora eskaladak ez du barkatzen eta  hainbat arteka eta diedro fisiko  eskalatu beharko ditugu lurretik 600 m-ra dagoen  bibak lekura iristeko. Hemendik posible da rapelez jeistea. Goruntza 90m-ko diedroa, 6b/A1 edo 6c/7a ko bi luzeekin,( hiltze asko) ondoren  penduloa eta gailurrerantz eramango gaituen oeste klasika-rekin  elkartzen da bidea. Esan beharra daukagu goikalde hontan 6a-arteko zailtasunak buztita edo berglaseatuta eskalatu  genituela eta ipar hormara pasa ginenean berriz artekak eta diedroak elur eta izotzez estalirik zeudela.

90m-ko diedroan. 22.luzea 6c.

Azken argiak mendebal horman

Mailly diedrora iristen

 Horma lehorra ba dago begiratu katalejoekin “ bloc coince” hortan  elur aztarnik dagoen, baina litekeena da repisako zuloetan elurra egotea. Gailurrean ura aurkitu eta  tantaka boteillak betetzea lortu genuen. Gailurreko zirrikitu eta zuloetan gidek losakuak etab… izkutatzen dituzte larrialdietan erabiltzeko.

 Jaitsiera rapelez “ flammes de Pierre” arte, nekearekin astun samarra baina lasai hartuz gero ondo egiten da, arazoa lainoa sartzen ba da. Flammes de pierretik rapelak eta destrepeak egin behar dira, kontuz samar bide ona hartzearekin eta erreferentzia bezala goitik behera begiratuz, ezkeraldean orratz edo gendarme bat hartu, hortik glaziarrera eta ondoren Charpouako aterpera.

Penduluaren ondoren. Oeste klasikan. 26.luzea

topo Directa Americana

Hasierako 7 luzeak

 

Iñaki Arenaza eta Iñigo Mujikak burututako igoera 2000.urtean

 Hemen 1985. urteko bideo bat.... Christoph Proffit Directa Americana bidea sokarik gabe eskalatzen!!!.

. NEOUVIELLE-KO EZPATAK. Pics d`spades.

Aurreko astean Neouvielle inguruko Cap de Long eskalada eremua aipatzen genuen blogg hontan, oraingo hontan ingurumen berdinean eskalatzaileendako beste jolas eremu polit bat aurkeztuko dizuegu , Pics d`spades edo Neouvielleko ezpatak.

Ezpatak.

 Cap de Long-en gerturaketa hutsa bada, ezpatatara kotxetik  tamainu guztietako lakuen artean ibilaldi polit bat egin beharko dugu. Eremu hontan 3 horma aurkituko ditugu, Petit pic d´spade, grand pic d´spade eta Neouvielle-ko 3020m-ko puntara doan horma. Haitza kalitate oneko granitoa da eta bertan aurkitzen diren bideen gehiengoak deportiba eran ekipatutako bideak dira. Bideen luzeraren inguruan gehienez 250m-ko bideak aurkituko ditugu 3020 puntan, 200m inguru grand pic-en eta 180m petit pic-en. Hemen eskalatzea "plaissir" hutsa da, bideak paraboltez ekipatuta, rapelagarriak eta inguru ederra. Ia 3000m-tan burutzen diren eskaladak dira, orientazio aldetik eguzkiak arratsaldetan jotzen die, eta goizetan frexko egiten du.

Gerturaketan aurkituko dugun lakuetariko bat. Goian ezkerrean ezpatak, eskuinean Neouvielle.

  Eskalada bideen inguruan, Magnetisme 180m 6b (Petit pic), Les Malheurs del picachu 200m 6b (Grand Pic) eta " Les lagopedes " 250m 6a+ (pointe 3020) izango dira gure ustez horma bakoitzeko bide klasikoenak. Hortik aurrera aukera zailago dexente dauzkagu, Noir Tango (6c), Saucisson de Estrasburgo (7a) , L´ombre du doute 6c+  batzuk aipatzearren...
 Azken finean leku eder bat delakoan gaude, luze oso onak eta ingurumen ederra. Bideen luzerak ez dira gerturaketaren parean gelditzen baina bide bat baino gehiago eskalatzeko aukerak eskaintzen ditu eskalatzeko gogoak baretzeko.

  Nola iritsi.
   Luz St Sauvier-etik Bareges herria pasa Tourmalet aldera, Bareges-etik km gutxi batzutara  "Vallon de la Glere" kartela  dago eta bertan eskuinetara bide batek irtetzen du. Segi bide hontatik eskiatzeko pistetaraino eta ondoren segi aurrera bailaran zehar egoera txarragoko beste pista batetik metalezko langa batekin topo egin arte. Hemen kotxea utzi eta zig zag-ean doan pistatik 45 minututan La Glere-ko aterpera iritsiko gara. Ondoren jarraitu bidetxurretik aurrera, trois consellers mendirako bidetik Ezpatak ikusi arte. Lakuz inguratutako bide polita da, benetan.  Ondoren zuzen igo hormaruntz. La Glere-tik 2 ordu. Krokisak etab, La Glere-ko aterpean aurkituko dituzue.

La Glere

NEOUVIELLE. Cap de Long.

Cap de Long, gehienez 200m-ko garaiera duen granitozko horma polit bat da. 4-5 luze inguruko hainbat bide ekipatu aurkitzen dira bertan. Kalitatezko granitoa, fisurak, plakak eta kantodun luze ederrak eskalatzeko aukera izango dugu bertan. Horma kotxetik hurbil,(5 minutu), "apalanke" polita eta dohainekoa  lakuari begira, eta lakuaren bestekaldean Neouvielle eta Soum de Ramougn 3000-koak bista bistan. Bertan 2 taberna daude eta ezkerreko tabernako (Garlitz) tipoa omen da bertako ekipatzaileetariko bat, krokisak etab bertan aurkituko ditugu.
 Cap de Long-eko hormaz gain, Neouvielle eta Soum de Ramougn-eko hegoaldeko hormetan 400m arteko hainbat bide aurkituko ditugu, eta lakuaren bestekaldean, Rognon de Ramougn delako horman 300m arteko beste bide interesgarri batzuk, eta gehienak ekipatutako bideak dira. Lehenago aipatu dugun bezala, parking-eko tabernan ingurumen hontako informazio guztia daukate edozeinen eskura. Gure ustez leku interesgarri bat dela esan dezakegu.
 Guk eskalatutako bideak Carpe diem, Cinquement element eta Cabaret Sauvage izan ziren, aipamen gisa Cinquement element-en 2.luzeko 6c-ko babaresa eta Cabaret bidearen lehen luzeko plaka ederra, 6b+. Beste bide batzuk egiteko gogoz gelditu ginen, beraz, bueltatzeko aitzakia ba daukagu.
 Iristeko Barrage de Cap de Long-erako bidea hartu bai St Lary herrixkatik gora edo Bielsa-ko tuneletik behera joanda.
 

Neouvielle eta Soum de Ramougn-en hormak

Carpe Diem sektorea

Cap de Long-eko horma eta parking-a

Cinquement element. L2 6C

Cap de Long era bidean aurkituko dugun beste laku bat.